Month: November 2014

 

جویریہ صدیق

خواتین اور خریداری دونوں کا  ہی چولی دامن کا رشتہ ہے گھر کے یا آفس کے کاموں سے فارغ ہوکر اکژ خواتین کو کچھ سوجھتا ہے تو وہ ہے شاپنگ۔۔  جدید تراش خراش پر مبنی ملبوسات،جوتے، میچنگ پرس میک اپ یہ وہ تمام چیزیں جن کہ بنا خواتین اپنے آپ کو ادھورا سمجھتی ہیں

مارچ کی آمد کے ساتھ ہی پاکستان بھر میں گرمی کا موسم بھی شروع ہوجاتا ہے ۔گرمی کے لحاظ سے خواتین کا پہناوہ بھی تبدیل ہو جاتا ہے۔جیسے جیسے دھوپ کی تمازت اور گرمی شدت میں اضافہ ہوتاہے خواتین کی بڑی تعداد لان اور چکن کے ملبوسات پہنا پسند کرتی ہیں اور ان کی خریداری کے لیے مارکیٹس کا رخ کرتی ہیں۔اس وقت بھی مارکیٹ میں شوخ اور خوبصورت ڈیزاینرز،برانڈز اور  ٹیکسٹایل ملزز کی طرف سے دیدہ زیب لان مارکیٹ میں آچکی ہیں۔خوبصورت لان پرنٹس،جذب نظر ماڈلز زیب تن کیے ٹی وی اخبارات اور سوشل میڈیا پر لان کے اشتہارات میں نظر آرہی ہیں۔اس کے ساتھ ساتھ لان کے ملبوسات کی نمائش کا بھی انعقاد بھی کیا جارہایے اور خواتین کی بڑی تعداد لان کی خریداری میں مصروف ہیں۔

پاکستان میں موسم گرما بہت طویل ہوتا ہے اس لیے گرمی میں صرف لان اور چکن کی ہی انسان کو آرام و تسکین فراہم کرسکتی ہے۔ لان کا کپڑے میں ایسا فیبرک استعمال کیا جاتا ہے جو ہوادار بھی ہے اور نمی جذب کرنے کی صلاحِت بھی رکھتا ہے۔اس ہی لیے گرمی آتے ہی ہر طرف لان اور چکن کی باہر آجاتی ہے اور خواتین بازاروں اور نمایش کا رخ کرتی ہیں تاکہ اپنے پسندیدہ ڈایزاین فورا خرید سکیں۔لان اور چکن کے سوٹ تھری پیس ،ٹو پیس اور ون پیس میں آتے ہیں جسے خریدار اپنی ضرورت کے مطابق خریدتے ہیں۔

دو ہزار چودہ میں لان چار سے پانچ پیس میں مارکیٹ میں آیی ہے جس میں لان کی قمیض اور شلوار کے ساتھ  شفون کے ڈوپٹے اور کڑھایی والے گلے اور بازو علیحدہ سے شامل ہیں۔ اس بار سفید،آسمانی نیلا،ہلکا گلابی،پیلے اورعنابی رنگ زیادہ فیشن میں ہیں تقریبا تما م  لان اور چکن ان رنگوں میں زیادہ ڈیزاین کے ساتھ مارکیٹ میں آیی ہے۔

اس سال لمبی قمیضوں کے ساتھ سمارٹیز ان ہیں اور لان کے چھوٹے ُکرتوں کے ساتھ بیل بوٹم پاجامے بھی فیشن میں ہیں۔اس کے ساتھ ساتھ لان سوٹس سے جمپ سوٹ بھی بنوایے جارہے ہیں اور ان کے ساتھ گاون بھی پہنے جارہے ہیں۔لان کے ڈیزاینز میں پھول دار ،پولکا ڈاٹس ،لاینز،چنری،بلاک پرنٹس،ڈیجیٹل ،اسکرین پرنٹ اور چیک اس بار ان ہیں۔

پاکستان میں لان اور چکن کو ملا کر ایک اور فیبرک بھی لانچ کروایا گیا ہے جس کو چکن کاری کا نا م دیا گیا ہے ۔چکن کاری خواتین میں بہت زیادہ مقبول ہورہی ہے اس میں سفید ، پیلا ،ہلکا گلابی اور ارغوانی رنگ کی خاص طور پر ڈیمانڈ زیادہ ہے خواتین اس کو نیٹ ،کڑھایی والے گلوں اور شفون کے بازو لگوا کر پہنا پسند کرہی ہیں۔بہت سی ملزز اور ڈایزینرز اس کی ریڈی میڈ کولیکشین بھی سامنے لے آییں ہیں تاکہ خواتین کو کڑھایی سلایی کے جنجھٹ سے بھی بچ سکیں۔

عایشہ عمر نے بھی لیبلز کی ایکسلوز ریڈی میڈ چکن کاری رینج پہن رکھی ہے ۔ سفید رنگ کے اے لاین فراک پر لال رنگ کی جامہ وار لگایی گی ہے اور گولڈن رنگ کی کڑھایی سے مزین کیا گیا ہے اس جوڑے کو گرمی میں ہونے والی شادی بیاہ اور دیگر تقریبات میں بھی پہنا جاسکتا ہے ماڈل نے میچنگ بندے بھی پہن رکھے ہیں جو سوٹ پر کیے گیے کام سے ہم آہنگ ہے۔ہلکے گلابی رنگ  کےجوڑے کو روزمرہ استعمال میں بھی پہنا جاسکتا ہے لمبی قمیض اور لیس لگے ٹراوزر کے ساتھ عایشہ بہت جذب نظر لگ رہی ہیں۔ گرمی کی وجہ سے ملبوسات کی آستنیں کھلی اور پوری رکھی گیں اور سوٹ کی خوبصورتی کو اور بڑھانے کے لیے گلے کی پٹی پر بھی کڑھایی کی گی ہے۔چکن کاری میں تھوڑی تراش خراش کے ساتھ ساڑھی بھی بنایی جا سکتی ہے ماڈل نےہلکی کڑھایی سے مزین بلاوز کے ساتھ سفید رنگ کی چکن کاری ساڑھی پہن رکھی اور باڈر پر زری اور گوٹے کا کام ہوا ہے۔ساتھ میں میچنگ جیولری اور لایٹ میک اپ سے ماڈل کی خوبصورتی میں اور اضافہ ہو رہا ہے

تحریر جویریہ صدیق

ماڈل عایشہ عمر

ملبوسات لیبلزز

جیولری شہرزاد

میک اپ نتاشہ سیلون

عکاسی انیلا بادشاہ

خسرہ ایک ایسی معتدی بیماری ہے جس کی وجہ سے ہر سال  پاکستان میں سینکڑوں بچے اپنی جانسے ہاتھ دھو بیٹھے ہیں ۔

خسرہ کا وایرس بذریعہ سانس ایک انسان سے دوسرے انسان میں منتقل ہوجاتا ہے۔اس بیماری کا شکار زیادہ تر نو ماہ سے پانچ سال کی عمر کے بچے ہوتے ہیں۔ اسبیماری کا شکار وہ ہی بچے ہوتے ہیں جن کے والدین ان کو حفاظتی ٹیکہ جات کا کورس نہیںکرواتے۔

اس بیماری کی ابتدایی علامتوں میں بچوں کو تیز بخار ،آنکھوں سے پانی بہنا،کھانسی اور منہ کےاندر سفید دانے نکل آنا شامل ہے اگر اس کا فوری علاج نا شروع کیا جایے تو چار سے پانچ دن کےدوران بچوں کے جسم پر سرخ دانے نکل آتے ہیں اور موت واقع ہونے کا خطرہ ہوتا ہے۔۔ جو بچہ بھی خسرہ میں مبتلا ہو اس کو دیگر بچوں سے الگ کر دینا چاہیے کیونکہ سانس لینے ، چھیکنے اور کھاسنے سے یہ مرض فوری طور پر دوسروں کو منتقل ہوجاتا ہے۔ اگر فوری علاج شروع کردیا جایے تو ایک ہفتے میں بچہ دوبارہ محت مند ہوجاتا ہے۔ نوزاییدہ بچے کو نو ماہ کی عمر میں خسرہسے بچاو کے لیے پہلا ٹیکہ لگایا جاتا ہے اور دوسرا ٹیکہ ڈیرھ سال کی عمر کے بعد تاکہ بچے کو خسرہ سے محفوظ رہنے کے لیے قوت معدافت فرایم کی جاسکے ۔اگر والدین بچوں کو یہ کورس کروالیں تو بچے خسرے سے محفوظ رہتے ہیں۔

لیکن پاکستان جیسے ترقی پذیر ملک میں والدین پولیو ویکسین کو شک کی نگاہ سے دیکھتے ہیں اور رہی سہی کسر شکیل آفریدی  کا ہیلتھ ورکر کے  بھیس میں جاسوسی کرنا جیسے واقعات پوری کردیتے ہیں۔اس کے ساتھ ساتھ کچھ صحت کے مراکز میں جعلی اور زاید المعیاد ویکسن بھی بچوں کو موت میں دھکیل دیتی ہے۔

دنیا بھر میں خسرہ کے کیسسز میں ستر فیصد کمی آچکی ہے لیکن پاکستان ان پانچ ممالک کی فہرست میں شامل ہے جن میں بچے خسرہ کی پہلی ویکسن سے محروم رہ جاتے ہیں  اس ہی وجہ سے پاکستان میں یہ بیماری بڑی تعداد میں وبا کی صورت میں پھیل رہا ہے۔اس مرض نے وبایی صورت سندھ میں اختیار کی اور اس کے بعد یہ بلوچستان ، خیبر پختون خواہ ،فاٹا اور پنچاب تک پھیل چکی ہے۔اگر پاکستان میں خسرہ سے اموات کی شرح دیکھی جایے تو اس سال خسرہ کی وجہ  بیس بچےسے اپنی جان سے گیے اور پندرہ سو سے زاید متاثر ہویے۔ یہ وہ اعداد و شمار ہیں جو رپورٹ ہویے جو ہلاکتیں اندورن سندھ صحراوں میں ہویی یا بلوچستان اور فاٹا کی سنگلاخ کی چٹانوں میں ان کا تو ڈیٹا تو دستیاب ہی نہیں ہے۔

حال ہی میں پندرہ می سے پاکستان کے تین صوبوں میں انسداد خسرہ مہم چلایی گی جوکہ دو ہفتے تک جاری رہی لیکن خیبر پختون خواہ میں جعلی ویکسن کی وجہ سے پچپن بچے ہسپتال میں پہنچ گیے۔جن میں سے اب تک سات بچے دم توڑ چکے ہیں۔کتنے افسوس کا مقام ہے جس ملک میں سالانہ سات لاکھ بچے موت کے منہ میں چلے جاتے ہیں جن کی بڑی وجہ معتدی بیماریاں ہی ہیں ان کو ویکسین بھی  ملے توجعلی ملے۔ پاکستان میں پہلے ہی والدین یہ سمجھتے ہیں کہ ویکسن میں کچھ ایسے اجزا شامل ہیں جس سے ان کی اگلی نسل بانجھ ہو جایے گی وہاں حکومت اگر بچوں کو جعلی یا زاید المیاد ویکسین لگا دے گی تو والدین کا رہا سہا اعتماد بھی ویکسینشن سے ختم ہوجایے گا۔خیبر پختون خواہ کی حکومت پر بھاری ذمہ داری وہ ذمہ داروں کے خلاف قرار واقعی کاروایی کریں۔سات بے گنا ہ بچوں کے خون کی ذمہ داری محکمہ صحت خیبر پختون خواہ ہر عاید ہوتی ہے اور مجرموں کو سزا دینا حکومت کا فرض ہے۔عالمی ادارہ صحت کے مطابق پاکستان میں روزانہ گیارہ سو بچے ان بیماریوں کی وجہ سے موت کی منہ میں چلے جاتی ہیں جن کا علاج بلکل ممکن ہے۔اگر پاکستان میں موثر طریقے سے ویکسن کی خریداری ہو اور بعد میں موثر طریقے سے انسداد پولیو مہم چلایی جایے تب ہی معصوم بچوں کو موت کے منہ میں جانے سے بچایا جاسکتا ہے۔عالمی ادﺍرے کے مطابق پاکستان میں خسرے کے پھیلاو کی وجہ سے مسلسل چار سال سے آنے والے سیلاب ، غذایی قلت اور لوڈشیڈنگ ہے۔

وقت کی اہم ضرورت ہے کہ اٹھارہ کروڑ افراد پر مشتمل اس ملک میں صحت کے بجٹ میں اضافہ کیا جایے اور وفاق سنجیدگی ساتھ صوبوں کو درپیش صحت کے مسایل حل کرنے میں معاونت کرے تاکہ قوم کے نونہالوں کو محفوظ مستقبل دیا جاسکے۔والدین کا بھی یہ فرض ہے وہ بچوں کو حفاظتی ٹیکوں کا مکمل

 کورس کروایں تاکہ یہ بچے اپنی زندگی محت مندانہ طریقے سے گزار سکیں۔

صحافیوں کے لیے انصاف نہیں: جویریہ صدیق کا بلاگ

May 03, 2012

ہمارے معاشرہ میں جہاں کم سنی میں تو بچوں کو سچ بولنے کی تلقین کی جاتی ہے اور بچپن سے لڑکپن تک وہ یہ ہی سبق دہراتے رہتے ہئں لیکن اس کے برعکس عملی زندگی میں قدم رکھتے ہی انہیں سچ کے ساتھ جھوٹ کی امیزش کے لئے مجبور کیا جا تا ہے اور جوبھی اس بات سے انکارکرتاہے تو معاشرہ اسکا سر قلم کر دیتا ہے۔ اس ہی اصول کے تحت جب بھی کوئی صحافی ایک حد سے زیادہ سچ لکھتا ہے یا جھوٹ چھاپنے سے انکار کردیتا ہے تو یہ معاشرہ اس کو خود خبر بنا دیتا ہے ۔

سلیم شہزاد اسلام اباد کا صحافی جس کے شب و روز صرف خبر کے ساتھ وابستہ تھے اور خود اس روز خبروں کا حصہ بھی بن گئے جس روز ان کی لاش منڈی بہاوالدین کے پاس نہر سے ملی اور
قصور فقط سچ بولنا تھا

قصہ چاہے کراچی سے تعلق رکھنے والے نوجوان صحافی ولی خان بابر کا ہو تو بھی قاتلوں نے دستانے پہنے ہوئے تھے جو اب تک قاتلوں کا سراغ نہیں ملا اور ولی خان بابر کے نا معلوم قاتلوں کی تلا ش اج بھی صرف دفتری کاغذوں کی حد تک جاری ہیں ۔ولی خان بابر کے بہنیں اور بھائی جو اس کے سہرے کے پھول سجانے کا خواب دیکھ رہئے تھے اج پھول صرف اس کی قبر پر ڈالتے ہیں۔

یا مہمند ایجنسی سے تعلق رکھنے والے مکرم خان ہوں جن کو فرائض کی ادائیگی کے دوران موت کے گھاٹ اتار دیا گیا اور ان کے قتل کی وجہ صرف سچائی کا علم تھا اور کچھ نہیں

عارف خان ہو یا مصری خان ، موسی خیل ہوں یا چشتی مجاہد، ہدایت اللہ خان ہوں یا عامر نواب ، راجہ اسد حمید ، فضل وہاب ہوں یا صلاح الدین، غلام رسول ہوں یا عبد الرزاق ،محمد ابراہیم ، ساجد تنولی ہوں یا شاہد سومرو یا لالہ حمید بلوچ ہوں یہ تمام صحافی صرف سچ کی راہ کے شہید ہیں۔

ذمہ دار چاہے ریاست ہو یا اس کے ستون ، دہشت گرد ہوں یا ملکی حالات لیکن اس تمام صورتحا ل نے پاکستان کو صحافیون کے لئے خطرناک ملک بنا دیا ہے۔ صحافیوں کے تحفظ کی عالمی تنظیم کمیٹی ٹو پروٹیکٹ جرنلسٹس (سی پی جے) کے مطابق پاکستان کا شمار دنیا میں صحافیوں کیلیے خطرناک ممالک میں سرفہرست دس ممالک میں شمار ہونے لگا ہے جہاں حیات اللہ سے لیکر شہزاد سلیم جیسے کئي صحافی مارے گۓ ہوں۔

انسانی حقوق کی بین الاقوامی تنظیم ایمنسٹی انٹرنیشنل نے حکومتِ پاکستان سے کہا ہے کہ وہ انسانی حقوق کے مسلمہ بین الاقوامی معیار کے مطابق صحافیوں کی ہلاکتوں اور اغواء کے واقعات کی مکمل اور جامع تحقیقات کرائے اور ملوث افراد کو قانون کے کٹہرے میں لائے۔

تاہم اب تک نا ہی کسی صحافی کے قتل کی تحقیقات مکمل ہوئی ہے نا ہی کسی مجرم کو سزا سنائی گئی ہے اور خبریں دیتے دیتے خود خبر بن جانے والے صحافیوں کے حوالے سے اج تک یہ خبر نہیں ائی کہ کہ مقتول صحافیوں کے قاتلوں کو قرار واقعی سزا مل گئی ہے تاہم اب بھی ورثا اور صحافی برادری انصاف کے لئے منتظر ہے

انصاف

ان قلم کاروں کے لئے

مانگنا

وارثوں پے واجب تھا

منصفوں پے واجب تھا

انصاف کی تکمیل تک

منصفوں کی نگرانی

قدسیوں پے واجب تھی

وقت کی عدالت میں

خلق خدا ہم سے کہتی ہے،

سارا ماجرا لکھیں

کس نے کس طرح انصاف پایا،

اپنامدعا لکھیں